Tuesday, 12 March 2019

TSLPRB Recruitment: ఎస్సై, కానిస్టేబుల్ రాత పరీక్షల తేదీలు ఖరారు

హైలైట్స్

  • వెబ్‌సైట్‌లో ఫైనల్ పరీక్షల వివరాలు
  • ఏప్రిల్ 20 నుంచి మే 19 వరకు పరీక్షల నిర్వహణ
  • ఏప్రిల్ 20, 21 తేదీల్లో ఎస్సై పరీక్షలు, ఏప్రిల్ 28న కానిస్టేబుల్ పరీక్షల నిర్వహణ
  • మే 19న కానిస్టేబుల్ డ్రైవర్, మెకానిక్ పోస్టులకు పరీక్షలు



తెలంగాణలో ఎస్సై, కానిస్టేబుల్ అభ్యర్థుల తుది రాత పరీక్షల తేదీలు ఖరారయ్యాయి. షెడ్యూలు ప్రకారం ఏప్రిల్ 20 నుంచి మే 19 వరకు పోలీసు రాతపరీక్షలు నిర్వహించనున్నారు. ఏప్రిల్ 20, 21 తేదీల్లో ఎస్సై(సివిల్) రాత పరీక్ష నిర్వహిస్తారు. ఏప్రిల్ 27న ఎస్సై (ఐటీ & కమ్యూనికేషన్), ఏఎస్‌ఐ పోస్టులకు పరీక్షలు నిర్వహించనున్నారు. ఏప్రిల్ 28న కానిస్టేబుల్ (సివిల్, ఐటీ & కమ్యూనికేషన్) రాత పరీక్ష నిర్వహించనున్నారు. ఇక మే 19న కానిస్టేబుల్ డ్రైవర్ పోస్టులకు, కానిస్టేబుల్ మెకానిక్ పోస్టులకు పరీక్షలు నిర్వహించనున్నారు. 

ఎస్‌ఐ, కానిస్టేబుల్ పోస్టుల భర్తీకి సంబంధించి ఇప్పటికీ.. దేహదారుఢ్య పరీక్షలు కొనసాగుతూనే ఉన్నాయి. ఫిజికల్ ఈవెంట్లు ముగియగానే ఫైనల్ రాతపరీక్ష నిర్వహించడానికి అధికారులు ఏర్పాట్లు చేస్తున్నారు. పరీక్షకు సంబంధించిన హాల్‌టికెట్లను కూడా సిద్ధం చేస్తున్నట్లు అధికారులు వెల్లడించారు. 
తెలంగాణలో మొత్తం 18,428 పోలీసు పోస్టుల భర్తీకిగాను గతేడాది మే 31న నోటిఫికేషన్లు వెలువడిన సంగతి తెలిసిందే. వీటిలో 17,156 కానిస్టేబుల్ కాగా, 1272 ఎస్‌ఐ పోస్టులు ఉన్నాయి. ఎస్సై (సివిల్), తత్సమాన పోస్టులకు ఆగస్టు 26న; ఎస్సై (ఐటీ & కమ్యూనికేషన్), ఏఎస్సై పోస్టులకు సెప్టెంబరు 9న ప్రిలిమినరీ రాతపరీక్షలు నిర్వహించారు. ఇక కానిస్టేబుల్ పోస్టులకు సంబంధించి సెప్టెంబర్ 30న ప్రిలిమినరీ పరీక్ష నిర్వహించారు. 
అయితే ఎస్సై ప్రాథమిక పరీక్షలో కొన్ని ప్రశ్నలపై అభ్యంతరం వ్యక్తం చేస్తూ.. కొంత మంది అభ్యర్థులు హైకోర్టును ఆశ్రయించగా.. హైకోర్టు కొత్త మెరిట్ జాబితా విడుదల చేసిన తర్వాతే ఫిజికల్ ఈవెంట్లు నిర్వహించాలని గతంలో తీర్పు చెప్పింది. దీంతో పోలీసు నియామకాల్లో జాప్యం జరిగింది. ఆ తర్వాత సింగిల్ జడ్జి ఇచ్చిన ఉత్తర్వులను నిలిపివేస్తూ.. హైకోర్టు తీర్పు ఇవ్వడంతో ఫిజికల్ ఈవెంట్స్‌ (దేహదారుఢ్య పరీక్షలు) నిర్వహణకు మార్గం సుగమమైంది. దీంతో ఎస్సై, ఏఎస్సై, కానిస్టేబుల్ పోస్టుల భర్తీకి నిర్వహించిన ప్రిలిమ్స్ పరీక్షల్లో అర్హత సాధించిన 3,77,770 మంది అభ్యర్థులకు ఫిబ్రవరి 11 నుంచి దేహదారుఢ్య పరీక్షలు నిర్వహిస్తున్నారు. నెలాఖరు వరకు దేహదారుఢ్య పరీక్షలు జరుగనున్నాయి. ఫిజికల్ ఈవెంట్లలో అర్హత పొందినవారికి ఏప్రిల్ 20 నుంచి మే19 వరకు మెయిన్ పరీక్షలు నిర్వహించనున్నారు.

,

No comments:

Post a comment

A Simple Trick For Converting Any Image Into PDF In Your PC

The process of converting  images  to  PDF  files could be a difficult thing and would include a lot of efforts as well if you don’t know ...